Feeds:
المقالات
تعليقات

Archive for 22 نوفمبر, 2010

أعمل حسابك

مدخل

انامل الليل في الاوتار ما برحت عزافة وعيون الليل لم تنم

و هيأ الكون للايقاع مسرحه وارهفت سمعها الاشياء للنغم

                                                                             محمد سعيد العباسي

مد يده الي كتفي وهمس :أنصت …

قلت له أنصت لماذا؟…bob_marley

قال تعلم أن تنصت عندها.. ستزيل عنك غشاوة الضوضاء…أنصت…تمعنت في الإنصات                               

-…لا شئ….لأ اسمع شئ…

-هذا لأنك تصر علي أن تنظر من خلال الغشاوة …لا تنظر فقط أنصت

انصتُ  ….تك تك تك…عقارب ساعة تلهث بلاتوقف لتعلن أنها تلدغ لحظة من عمرنا عبرت بلا رجعة الي مثواها الأخير في مقبرة الماضي…أنصت…

صصصصصص… حشرة تختبئ في ستر الليل تسبح بحمد ربها في خشوع… رغم عن و غرورنا البشري بإدعائنا المعرفة عجزنا ان نبلغ أن يكون تسبيحنا هو كل ما نفعل….أنصت….

هوووووو ففففف…رياح ليل ياناير الباردة تعصف بملابسنا و ترغم الأغصان أن تلوح في لوعة مودعة النيل الذي يمر من أمامها بلا إنقطاع منذ ملايين السنين ….

طششششش طشششش طششششش…. امواج صغيرة تتبعثر علي (القيف) معلنة انها تبصق في وجه كل المرتعدين و المرجفين و الخانعين..قيل لها ان الأنهار تجري من الشمال الي الجنوب…

أنصت انها تهتف :أنا بعض النيل الأزرق ..أنا التمرد.. سأسير ضد الخوف أنا الثورة…

قلت له وانا مغمض العينيين :هكذا تكلم الكون من حولي عندما أنصت

..قال لي: الآن بلغت المعرفة بقي عليك أن تعي الحكمة….

أنصت ….أنصت…..أنصت…أغمضت عيناني…بدأت الأصوات تتلاشي إختفت الحشرات أصيب النيل بالخرس…شلت الرياح…صمتت عقارب الساعة…حتي خلت اني أخلع ذاتي الواعية استعدادا لادخل محراب المعرفة…أحسست بصوت خافت يدنو..رويدا رويدا…وكما تهزم أشعة الشمس مملكة الظلام كل ليلة وينسكب ينبوع النور داهمني الصوت بعنف….كالحقيقة تماما

(هوي يا زول دي شنو الشايلها في يدك دي)

هكذا صاح صوت فرد

الشرطة الذي يستطيع ان يميز انفه المدرب رائحة البنقوا من علي بعد ميل

-برنجي يا جنابو

برنج؟ برنجي بي الباء؟…وصاح بملء صوته نحوا الملازم الجالس يمين السائق في البوكس…(بنقوا يا سعادتك )

رب رب رب ….اصوات احذية العساكر وهم يقفزون من البوكس كانت اخر ما سمعت قبل ان اتلقي اللسعات من البسطونات

حاولت ان اصرخ : ياجنابو ياخ براو المسطول انا جيت قعدتا جمبوا ساي ) لكن للأسف لم يكنوا مستعدين لأن ينصتوا

تخريمة

لو مشيت شارع النيل ماتقعد جمب زول شايل سجارة ريحتها حلوة اكتر من الازم

تخريمة تانية

خذوا الحكمة من افواه المجانيين…او المساطيل

.

Advertisements

Read Full Post »

انعل ابو الواسطة زاتو

..

670_p23133

ااااهععهههههه…علا صوت تثائب عطلون  في تمام الساعة التاسعة صباحا معلنا نهاية  (الشوط الثاني) من النوم الذي يمتد من صلاة الفجر الي ما شا الله..فقام

بادخال لحافه من الموضع الذي زحفت عليه الشمس الي داخل صالون منزلهم ذو الاسبليت يونت ….ء

ولم ينسي ان يغلق الباب باحكام من الداخل ..ما داير ازعاج وكدا…

انتهت الفترة الاضافية من النوم في تمام الساعة الحادية عشر ليبدا عطلون برنامجه اليومي الذي لم تتغير ملامحه منذ ان بدا حياته العملية كخريج عاطل رغم انه التحق بجيمع الكورسات المتخصصة في مجاله

,  CDMA CCDA™ , CCNA™ , CCDP

WiMAX , MBC wa MBC Action

وطبعا كعادة السودانيين في التقليد الاعمي

انشئ محل اتصالات تجد بعد اسبوع سبع محلات جوارك انشئ محل اتصالات تجد بعد اسبوع سبع محلات جوارك

اشتري هايس ونزلا خط الحاج يوسف ستجد البلد كلها تشتري هايسات…اشتري كوريلا بيضاء تجد…الخ

اكتشف انو كل الخريجين الفي البلد دي عملو نفس الكورسات…حتي التخصصات غير ذات الصلة

  • لذا قام بتوزيع (السي في) لكل الشركات والمؤسسات علي امل ان يحصل علي فرصة تدريب (ترينق) علي الاقل..فهي قد  تمده بشعور انه مهندس حتي ولو من دون أجر …  لكن ظل الجواب واحد…(خت ورقك بنرجع ليك)..لكن  أحد  لم يعاود الاتصال به

لذا ظل برنامج النوم اعلاه هو الدوام الرسمي له منذ مدة ليس بالقصيرة

و بينام هو منهمك في مسك الزمن اذ (بالحاجة) تدخل عليه وفي يدها جريدة

يا (عطلون) يا ولدي كدي شوف الاعلان دا امكن ينفع معاك

ورغم قناعته و (قنعه) من اعلانات الجرايد تناول الجريدة وراح يقرأ الاعلان

  • تنظيم القاعدة في بلاد النيلين

يرغب تنظيم القاعدة في بلاد النيلين في تعيين مهندس اتصالات للعمل في تامين الاتصالات لافراد التنظيم بالبلاد

ممن تنطبق عليهم السروط التالية الشروط التالية

متدين

يتحدث الانجدليزية بطلاقة

(وكعادة كل الاعلانات في الصحف السودانية)

خبرة 5 سنوات

شرط اساسي انك تكون اترفدت من تنظيم اسلامي نسبة لتكفير ثلاثة من قادته علي الاقل

علي استعداد للعمل في تورابورا (تورابورا دي واحدة تانية ما داخلية كلية الهندسة جامعة السودان الجنوب الكلاكلة ) دي ست الاسم زاتها

ياح حاجة قاعدة شنو كمان؟

يا ولدي ديل بدو ب(الريال) بعدين مش اخير ليك من قعاد الضللا والفيس بوك (زمان كان اسمها قعاد الضللااا -جمع ضل -و لعب الضمنة )

ياخ اسي تورابورا دي البوديني ليها شنو؟

ياولدي يعني حا تكون أكعب من عدارييل ولا فلج ولا الحتات البمشوها المهندسين ديل ولا ؟

بعدين اخير ليك من شركات البترول اسي (ينفصلوا) خطوطهم دي الا يضخو فيها موية

بعدم اقتناع وافق عطلون علي مقابلة لجنة المعاينات…ء

كالعادة كانت الصفوف امام لجنة الاختيار مليونية…حيث قابل عطلون معظم الخريجين الذين يعرفهم وسبقوه في الدراسة حتي الذين عندما كان هو برلوما غضا كانو مساعدي تدريس بالكلية …مما خخف عليه باعتبار (البشوف مصيبة غيرو تهون علي مصيبتو)ء

اجتاز عطلون الامتحان التحريري الذي ركز علي الاتصالات والشبكات

والبرمجيات وخلافه من مواد التخصص وبقي امامه مقابلة اللجنة

  • وبدات اسئلة اللجنة

الاسم: عطلون العطلون

الكنية: …كيف يعني الكنية؟

يعني ما عارف كل الناس في التنظيم هنا عندهم كنيات؟

ما سمعتا بي ابو مصعب الزرقاوي؟ وابو عمار البغدادي؟

ااااااااه يو ايوة أكني بأبي عطلون الفيسبوكي

بتعرف بنات ؟ حبوبتي عاشة بس ؟ سمعتا بي برتني سبيرز؟ لا والله…دي ماركة عصير؟

نمرتك كم؟

09*******

..تقوم اللجنة بعمل مسكول للمتقدم

لتظهر في الخلفية..نغمة خندقي قبري وقبري خندقي…ء

هنا احس عطلون ان الوظيفة من نصيبه بلا شك

وقال في سره :والله اول مرة اشوف وظيفة في السودان مافيها واسطة ودغرية..

.  …. ياباش مهندس انت مريت من كل  اسئلة المعاينة الجاية من شؤون الأعضاء

حقت التنظيم البتجي من افغانستان باقي اخر سؤال ودا حق اللجنة هنا

ولازم تجاوب صاح عشان تمر استبشر عطلون خيرا

بما ان السؤال من السودان فلابد ان الموضوع حمام ميت…

  • عندك واسطة؟
  • ………
  • شنو …واسطة؟؟؟ بهت شيخون من السؤال غير المتوقع
  • اي يا باش مهندس عندك واسطة؟
  • في الحقيقة لا والله ماعندي لكن….انا ماخد كورساتو ولاكمان…
  • اجابة خاطئة …..

بالله اطلع برة واقفل معاك الباب دا..

في هذه الاثناء كان شيخ (واسطة) يقوم باتصال هاتفي من مكتب الحكومة

الو..مرحب بي شيخ واسطة

كيف يا استاذ كسار تلج..

ياخ يا كسار عندنا ولد أختنا خريج تربية سمكية تخصص بلطي شوفي لينا ليو طريقة في وظيفة ناس القاعدة دي

جدا جدا يا شيخنا اعتبروا اتوظف من بكرة

لا لا ما بكرة ..هو ممسوك في قضية بنقو الايام دي اتمسك في حفلة قبل اسبوع..ان شا الله المشاكل دي ما تأثر معاكم؟

لا ابدا ابدا…كفاية سمعتك يا شيخنا

بعد اسبوعين

واثناء ما كان عطلون يتنقل بين قنوات التلفاز استوقفه هذا الخبر علي قناة الجزيرة

في  شريط جديد تلقت الجزيرة نسخت منه   قال اسامة بن لادن ان القبض علي شبكته في بلاد النيلين  لم يكن نتيجة لخيانة كما اشاعت بعض المصادر الغربية وعزا ذلك الي طبيعة الشعب السوداني

حيث قال:انعل ابو الواسطة زاتو

قبل الختام…

من وحي كاريكاتيور

سنة اولي يا الله جكسوية سنة تانية يا الله معدل كويس..سنة تالتة يا الله النتيجة نضيفة…سنة رابعة يا الله انضف الملاحق..سنة خامسة يا الله اتخرج…بعد التخرج…يالله واسطة…اما لو كسب زمنو فحا يقول ………..يا الله مشوار (ركشة وكدا )

*******************

  • وبدات اسئلة اللجنة

الاسم: عطلون العطلون

الكنية: …كيف يعني الكنية؟

يعني ما عارف كل الناس في التنظيم هنا عندهم كنيات؟

ما سمعتا بي ابو مصعب الزرقاوي؟ وابو عمار البغدادي؟

ااااااااه يو ايوة أكني بأبي عطلون الفيسبوكي

بتعرف بنات ؟ حبوبتي عاشة بس ؟ سمعتا بي برتني سبيرز؟ لا والله…دي ماركة عصير؟

نمرتك كم؟

09*******

..تقوم اللجنة بعمل مسكول للمتقدم

لتظهر في الخلفية..نغمة خندقي قبري وقبري خندقي…ء

هنا احس عطلون ان الوظيفة من نصيبه بلا شك

وقال في سره :والله اول مرة اشوف وظيفة في السودان مافيها واسطة ودغرية..

.  …. ياباش مهندس انت مريت من كل  اسئلة المعاينة الجاية من شؤون الأعضاء

حقت التنظيم البتجي من افغانستان باقي اخر سؤال ودا حق اللجنة هنا

ولازم تجاوب صاح عشان تمر استبشر عطلون خيرا

بما ان السؤال من السودان فلابد ان الموضوع حمام ميت…

  • عندك واسطة؟
  • ………
  • شنو …واسطة؟؟؟ بهت شيخون من السؤال غير المتوقع
  • اي يا باش مهندس عندك واسطة؟
  • في الحقيقة لا والله ماعندي لكن….انا ماخد كورساتو ولاكمان…
  • اجابة خاطئة …..

بالله اطلع برة واقفل معاك الباب دا..

في هذه الاثناء كان شيخ (واسطة) يقوم باتصال هاتفي من مكتب الحكومة

الو..مرحب بي شيخ واسطة

كيف يا استاذ كسار تلج..

ياخ يا كسار عندنا ولد أختنا خريج تربية سمكية تخصص بلطي شوفي لينا ليو طريقة في وظيفة ناس القاعدة دي

جدا جدا يا شيخنا اعتبروا اتوظف من بكرة

لا لا ما بكرة ..هو ممسوك في قضية بنقو الايام دي اتمسك في حفلة قبل اسبوع..ان شا الله المشاكل دي ما تأثر معاكم؟

لا ابدا ابدا…كفاية سمعتك يا شيخنا

بعد اسبوعين

واثناء ما كان عطلون يتنقل بين قنوات التلفاز استوقفه هذا الخبر علي قناة الجزيرة

في  شريط جديد تلقت الجزيرة نسخت منه   قال اسامة بن لادن ان القبض علي شبكته في بلاد النيلين  لم يكن نتيجة لخيانة كما اشاعت بعض المصادر الغربية وعزا ذلك الي طبيعة الشعب السوداني

حيث قال:انعل ابو الواسطة زاتو

*******************

من وحي كاريكاتيور

سنة اولي يا الله جكسوية ….سنة تانية يا الله معدل كويس…..سنة تالتة يا الله النتيجة نضيفة…سنة رابعة يا الله انضف الملاحق..سنة خامسة يا الله اتخرج…بعد التخرج…يالله واسطة…اما لو كسب زمنو فحا يقول ………..يا الله مشوار (ركشة وكدا )ء

********************

قبل الوداع

ورد هذا الخبر في صحف الخرطوم الاسبوع الماضي…

أعلن الصندوق القومي لتشغيل الخريجين، عن توفير مليون فرصة عمل حر، العام المقبل بالتنسيق مع مؤسسات القطاع الخاص. وقال الأمين العام للصندوق، الدكتور قرشي بخاري صلاح لدى مخاطبته اجتماع المديرين التنفيذيين بالصندوق أمس، إنهم سيدخلون في شراكات علمية مدروسة لتوفير مليون فرصة عمل للخريجين الذين لم يجدوا حظا في وظائف القطاع العام

مليون ؟؟؟؟؟؟؟ ….

عزيزي الوزير بالنسبة لي المليون دا ….(والله يا اخوانا غلبني اتمها زول جداع كدا يتمها لي في الكومنتات تحت)

Read Full Post »

%d مدونون معجبون بهذه: