Feeds:
المقالات
تعليقات

Archive for 28 أبريل, 2013

  • تقدم مدينة بورتسودان تجربة فريدة للغاية للزوار في مجموعة مطاعم (سوق السقالة), و التي تطل مباشرة علي البحر الاحمر في شكل خليج يسمح برؤية كاملة لتلامس قبة السماء مع البحر
  • اضافة الي تجربة انتقاء الاسماك من قبل سوق الصيادين و اصحاب المراكب , و يعتبر السمك الحجري أو سمك (الناجل) الطبق المفضل للزوار و ينخفض او يرتفع سعره بناء علي الحالة المناخية التي تؤثر علي توفر الصيد حيث تبتعد الاسماك في الشتاء عن الشواطئ الي اعماق بعيدة عند حدود الرصيف القاري .
  • الصورة التقطها المدون عندما عرض عليه احد صبيان الصيادين (قفة) كاملة من الاسماك الملونة والح عليه في شرائها.
  • اخيرا يجب ان لا يفوت الزائر لمنطقة (السقالة) ان يحمل كاميرا لتوثيق الاسماك و معارك النوارس المتكررة على بقاية الاسماك

جوار المطاعم.

Image

صورة من سوق الاسماك البحرية بمنطقة السقالة

صورة من سوق الاسماك البحرية بمنطقة السقالة

Read Full Post »

اشخاص مزعجون للغاية

هناك أشياء مزعجة نعتاد عليها بحكم أنها تتكر بشكل روتيني .. زي سيد الطماطم البكورك بي البوكس أو نقاشات الناس عن انيستا و بنزيما و الشامبيون ..الخ
لكن الذي لن تستطيع ابدا التعايش معه هو ذلك الصديق الذي بالكاد يجلس علي حافة دائرة معارفك أو اقربائك
فيتصل عليك هاتفيا طالبا تحديد موعد معك ليخبرك ان هناك عملا في اتظارك
فتهلل وتكبر و تحوقل (عمل)؟ بالنظر الي صفوف العاطلين من الاطباء الذي يصدرون كما النبق و المهندسين الذين يبيعون اثاث منازلهم ليحصلوا علي اقامة في السعودية ..فأنت تندهش و تشعر بامتنان عجيب تجاه ذلك الصديق الذي آثرك بفرصة العمل هذه
دائما تبدأ المعطة بنفس الاسلوب
عاوز تزيد من دخلك؟….عاوز فرصة شغل مريحة وساهلة؟ …..عاوز تغير حياتك زي ما ناس كتار غيروها؟
نحنا نختلف عن اي ناس انت بتعرفهم …وطريقتنا في التسويق مبتكرة
و العلماء قالوا حلال تمام
و شغالة في السعودية و ايران و اسرائيل
نحنا شركة WWE للمصارعة الحرة..آآآآآ أقصد للتجارة الحرة
ودائما نفس المبدأ ..أنت لازم تدفع قروش وقروش مهمولة في زمنا المعفن دا
انت لازم تشرك معهاك ناس تانيين
السلعة البتبيعها لازم تكون وهمية ..يعني حصل لاقتكم شركة بتبيع سكر؟ صابون؟ زيت عربات؟ موبايلات سامسونق؟ عربات أكسنت الدبدوب؟
اي حاجة من الحاجات اللو غيرتا رايك ممكن تمشي تبيعها لي بتاع الدكان و تمشي في السوق
(في شركة واحدة كانت بتبيع معجون وشاي)
المهم
في نقاط نحاول نشوف الزيت في الموضوع دا …بناءا علي واقعنا السوداني
1- انتو ماعطيييييييييييييييين ياخ
2- انتو بتلعبو علي رغبة البي ادم في الحصول علي ربح سريع ومن غير بذل مجهود او تطوير مهاراته الاكاديمية او الحرفية
3- الحاجات بتاعتكم دي ما في عمق احتياجات الشعب السوداني ….رحلة سفر لي ماليزيا؟ ياخ اعملو دواء بالتقسيط عشان الناس الكل يوم ناس شارع الحوادث بجمعو ليهم في التبرعات ….سوار ممغنط يقي من الضغط؟ عليك الله في زول غيركم بجيب الضغط؟
4- اقل شركة منهم لاقتني عاوزة تدفع 2 مليون ….*_*….ياخ في موظفين شغالين ليهم 20 سنة مرتباتهم ما وصلت الرقم دا ..يعدين انا لو عندي قروش زي دي البقعدني معاكم شنو؟
6- انتو بتستقلو علاقة الصداقة او المعرفة في الحصول علي المال ..ود شئ قذر جدا جدا جدا ..وما مقبول
ياخ نحنا الدكتور لو قريبك ما بشيل منك قروش

7- انا ما كتبت نمرة 5
8- التسويق بكرس لي مبدأ الانشطة الاستهلاكية …يعني داير تساعدنا سادنا اننا ننتج مش اننا نستهلك ….هو المغتس حجر اقتصاد البلد دي غير الانشطة الاستهلاكية شنو؟..ساعدني انو اعمل اي نشاط زراعي او صناعي او خدمي ….
9- القال ليكم انا داير اغير حياتي منو؟ *_*
10- انتو معاطيين تاني
11-……………

Read Full Post »

%d مدونون معجبون بهذه: